თბილისი (GBC) - შოტლანდიის მთავრობა დიდი ბრიტანეთის ევროკავშირიდან გამოსვლის კანონზე ვეტოს დადებით იმუქრება.
BBC-სთან ინტერვიუში შოტლანდიის საკითხებში პირველმა მინისტრმა ნიკოლა სტერჯონმა აღნიშნა, რომ ბრიტანეთის მიერ ევროკავშირის დატოვების მცდელობას სერიოზული დანაკარგი და მტკივნეული შედეგები ექნება.
"მე მსურს და შევეცდები, რომ შოტლანდია ამისგან დავიცვა", - განაცხადა მინისტრმა, აღნიშნა, რომ რეგიონი ყველაფერს გააკეთებს ბრიტანეთის ევროკავშირში დარჩენისთვის. .
მინისტრს კითხეს, აცნობიერებს თუ არა ის, რომ ვეტომ შესაძლოა ინგლისელთა დიდი ნაწილის გაღიზიანება გამოიწვიოს.
"დიახ, ამას ვხვდები, მაგრამ გასათვალისწინებელია იმ შოტლანდიელების უკმაყოფილება, რომლებმაც შესაძლოა დატოვონ ევროკავშირი მათი ნების გარეშე", - განაცხადა კითხვის პასუხად სტერჯონმა.
მან ასევე არ გამორიცხა შოტლანდიის დამოუკიდებლობაზე განმეორებითი რეფერენდუმის ჩატარება.
"ქვეყანა, სადაც შოტლანდიელებს სურდათ დარჩენა 2014 წელს, უკვე აღარ არსებობს" - ის შოტლანდიის დამოუკიდებლობაშიც ცუდს ვერაფერს ხედავს.
"ინგლისი ჩვენი უახლოესი მეზობელია, ვიმედოვნებ, რომ ის არის ჩვენი საუკეთესო მეგობარიც", -აღნიშნა მინისტრმა.